الرئيسية » » عن خالد صالح | شريف عبد المجيد

عن خالد صالح | شريف عبد المجيد

Written By Hesham Alsabahi on الخميس، 25 سبتمبر 2014 | 3:35 م

فى سنة 1997 كانت اول سنة ليا فى التلفزيون كنت بعمل برنامج عن المسرح اسمة مسرح الغد فى الفضائية المصرية كان هدف البرنامج تقديم الحركة المسرحية البديلة فى الهناجر والطليعة ومسرح الشباب ومسرح الاقاليم وشهد هذا العام ميلاد فرق المسرح المستقل زى فرقة خالد الصاوى وفرقة كان فيها رامى امام وخالد سرحان وظهر خالد جلال وكان مدير مسرح الشاب كان فية ممثل مش شاب قوى بيظهر دايما فى مسرحيات الهناجر وبيمثل غالبا مع معتزة عبد الصبور وخالد الصاوى وبيقدم مسرحيات مترجمة باداء عبقرى ومكنش حد يعرفة تقريبا غير الناس اللى بتروح الهناجر على طول وجمهور المسرح المستقل القليل جدا وكنت انا بشوف شغله دا دايما وباستمتع بيه على المسرح وبعد كدا بقى ممثل مشهور كنت سعيد جدا بالنجم دا اللى شق طريقة بموهبتة واعتبرتة نموذج لانسان شق الصخر وصعد بموهبتة بدون وسايط وعرفت من زمايله فى المسرح انة كان يئس فترة واتجة للعمل الحر لحد مافتح مسرح الهناجر وقرر الممثل دا انة يتحدى كل الظروف ويواجة العالم بموهبتة الكبيرة لحد ما وصل لمكانة مميزة يستحقها ولفت الايام وقابلتة مرة اخيرة فى دار الاوبرا وقت ما تم الاعلان عن اعتصام وزارة الثقافة وكان هوا من الفنانين اللى كان ليهم موقف حقيقى ضد التيار المتأسلم واختطافة للثقافة المصرية كنت فرحان بيه جدا الفنان دا هو المبدع المتميز خالد صالح اللى النهاردة عرفت انة توفى ربنا يرحمة ويصبر اهله

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.